Կայքերում հրապարակվող նկարները
Ցանկացած կայք «շնչում է» նկարներով, որոնք կարևոր գործիք են վեբ դիզայներների ու կոնտենտ մենեջերների համար, ովքեր փորձում են պատկերավոր դարձնել բովանդակությունը և ընթերցողին փոխանցել անհրաժեշտ տեղեկատվությունը նկարների, պատկերների և գրաֆիկական արվեստի այլ դրսևորումների միջոցով:
Մասնավորապես, նկարները նաև ուղղակիորեն կամ անուղղակիորեն օգնում են բարելավել որոնման համակարգի օպտիմալացումը՝ SEO-ն: Վեբկայքերում հրապարակվող բարձրորակ նկարները կարևոր դեր են խաղում բովանդակության ընկալելի և գրավիչ դարձնելու հարցում, որը նպատակային կլինի միայն այն դեպքում, եթե դրանք գրավեն ընթերցողի ուշադրությունը, լինեն լավ որակի և համապատասխան չափի՝ էջի բեռնման արագությունը չդանդաղեցնելու համար։
Նկարի չափսը
Կարևոր խնդիր է կայքերի էջերում նկարների օպտիմալ չափի ընտրությունը և տեղը։ Կայքերում տեղադրվող նկարների չափսերը շատ տարբեր կարող են լինել՝ կախված նպատակներից (ամբողջ էջով մեկ սլայդներ, վերնագրի ուղեցող նկարներ, ապրանքի լուսանկարներ և այլն): Ցանկացած դեպքում, սակայն, պետք է հետևել, որ նկարները չգերազանցեն 150-200 200 Kb ծավալը:
Ամբողջ էկրանով ֆոնային պատկերները՝ սլայդերների կամ էջի գլխավոր նկարների տեսքով, պետք է լինեն 1500-ից 2500 պիքսել, իսկ սովորական նկարները, կախված իրենց տեղադիրքից և ցուցադրվող չափսից, պետք է լինեն առավելագույնը 800 պիքսել լայնությամբ: Այս կարգավորումները սովորաբար ապահովում են ներբեռնման ընդունելի արագությունն ինչպես համակարգիչներում, այնպես էլ բջջային հեռախոսներում:
Կարևոր է իմանալ, որ տեղադրվող նկարների չափսը չպետք է գերազանցի կայքում հատկացված տեղի չափսին: Օրինակ՝ եթե ապրանքի նկարի համար ըստ դիզայնի նախատեսված է 400 պիքսել մակերես, ոչ մի դեպքում չպետք է տեղադրել 500+ պիքսել լայնքով ու մեծ ծավալի նկարներ:
Այլ առանձնահատկություններ
Մեծ նշանակություն ունի, թե որտեղ են տեղադրվում նկարները: Վերնագրերի համար առաջարկվող գլխավոր նկարների չափը 1024 պիքսել է, մինչդեռ ֆոնային նկարների համար օպտիմալ չափսն է՝ 1920 պիքսել լայնություն, 1080 պիքսել բարձրություն: Իդեալական 16:9 հարաբերակցությունը կլցնի վեբ էջի ամբողջ մակերեսը՝ պահպանելով նկարների որակը: Ինչ վերաբերում է մեկ դյույմում պիքսելների քանակին (ppi), ապա պատկերը պետք է ունենա առնվազն 72 պիքսել խտություն:
Լոգոյի պատկերի չափը սովորաբար կազմում է 250 պիքսել լայնություն և 100 պիքսել բարձրություն, բայց ոչ ավելի, քան 320 և 70-100 պիքսել համապատասխանաբար:
Նկարների ֆորմատը
Մի՛ մոռացեք, որ նկարի ֆորմատը նույնպես կարևոր է: Ֆայլերի JPG և SVG ֆորմատները լավագույնն են լուսանկարների համար, իսկ լոգոների և նկարազարդումների համար՝ PNG-ն:
Նկատի ունեցեք նաև, որ PNG պատկերներն ավելի ծանր են, քան JPG-ները, ինչը նշանակում է, որ դրանք կբեռնվեն ավելի ցածր արագությամբ: Այնուամենայնիվ, PNG-ներն ունեն ֆոնային թափանցիկության հատկություն և ավելի որակյալ են, քան JPG-ները:
Լուսանկարներն ավելի արագ բեռնվելու համար պետք է համոզվել, որ դրանք ճիշտ չափս ունեն:
Կայքի բեռնման արագությունը
Կարևոր է նշել, որ բեռնման արագությունը մեծ ազդեցություն ունի ցանկացած կայքի ընդհանուր վիճակի և որակի վրա: Եթե ձեր էջերը դանդաղ են բեռնվում, այցելուները կարող են հեռանալ՝ ավելի արագ կայք գտնելու համար: Բացի դրանից, Google-ի նման որոնողական համակարգերը տարբեր կերպ են դասակարգում ավելի ցածր վերադարձի և ավելի արագ բեռնման կայքերը՝ դրանք տեղադրելով իրենց որոնման արդյունքների վերևում կամ ներքևում:
Մենք այստեղ ենք Ձեզ օգնելու համար
Մենք պատրաստ ենք օգնելու բոլորին, ովքեր օգնության կարիք ունեն կայքերի ստեղծման և նախագծման գործում: Պարզապես տեղեկացրե՛ք մեզ, եթե ցանկանում եք ստանալ փորձագետի խորհրդատվություն կամ օգնություն վեբ կայքի ստեղծման, նկարների չափսերի և ֆայլերի տեսակների կամ ընդհանրապես արդյունավետ կայքեր ստեղծելու, դրանք SEO-ի համար օպտիմալացնելու վերաբերյալ: Մենք ուրախ կլինենք օգնել Ձեզ, քննարկել խնդրի Ձեր տեսլականը և հոգալ Ձեր կարիքները:
